Mukanekisi wa City of Johannesburg, Herman “Black Like Me” Mashaba u humese xiviko xo tisola endzhaku ka loko a hlangane na munhu a ri karhi a tleketla tinhloko ta tihomu, laha Mukanekisi Mashaba a nga teka xifaniso a xi paluxa eka Twitter a vula ku nuna luya u khomiwile tani hi ku nyama ya nhloko liya yi xavisiwaka lomu tindleleni yi na nxungeto wo vanga no hangalasa vuvabyi bya Ebola eCity of Johannesburg.
My first Citizen arrest to bring back the Rule of Law in our city @AsktheChiefJMPD @MichaelSun168 https://t.co/IwQVmmpZfM
— Herman Mashaba (@HermanMashaba) November 12, 2018
Mashaba u hlaseriwe ngopfu hi marito ku suka eka vandla ra EFF na vatirhisi kolobye va Twitter. Laha van’wani va nga hehla mukanekisi ku u tiendla Mulungu, van’wani va vula leswaku mhaka yo Mashaba a tlanga hi ku chavisela vanhu hi mhaka Ebola, a yi tshamisekangi swona.
“Na tisola eka marito lama ni nga ma vula, lama nga twala ma ri na tihanyi eka vaxavisi na vaxavi va le tindleleni, na marito lama ma nga twala onge i ma xihlawu-hlawu. Ni munhu, na endla swihoxo. Ni kombela ku khomeriwa eka nkhunguvanyekiso lowu ni nga wu endla eka vatshami va City of Johannesburg” – ku vula Herman Mashaba
Xifaniso: eNCA
