Breaking News

Huvo yi tiyisisa ku Lerato Sengadi i nkata HHP

Xidumbu xi ta kayakaya…

Endzhaku ka loko Lerato Sengadi a ye ehubyeni hi xikongomelo xo sivela va ka Tsambo ku va veka mufi wa vona eMahikeng a tlhe a lava ku ntsumbu wu nyikiwa yena, le hubyeni va fike va ala xikombelo xa yena. Mufi HHP u ya vekiwa eMahikeng hi siku ra vunarhu ra n’wheti ya Hukuri 2018.

Hambi leswi vuahluri byi ali xikombelo xa Lerato, byi kaneta leswi vuriweke hi va ka Tsambo ku Lerato a hi n’wingi va vona. Vuahluri byi ri hi ku ya hi nawu wa vutekani bya ndzhavuko, Lerato i nkata mufi. Leyi nyimpi onge yi nge heli sweswi, va ka Tsambo va lerisiwe ku amukela Lerato tani hi nkata mufi eka migingiriko ya nkosi wa HHP.

Sweswi ku sele ku ku langutiwa ku mufi u tsale ndzeriso (will) kumbe a nga tsalanga, loko a siye ndzeriso wu ta hlayiwa emahlweni ka hinkwavo va ndyangu, ku katsa na Lerato. Ku boxiwe na mhaka yo mufi a kuri hlonga ra swidzidziharisi, na ku ndzovolo wu lo cheriwa kunene eka vuvekisi bya le byangi, van’wani ve yi cheliwi eka eWallet.

Mbinga (quarrel) lowu wu dyondzisa vanhu lava tekaneke ku loko va tshikana, swi fanele swi basa ku va tshikanile, na loko va ha tekanile, swi lava swi basa ku va ha tekanile.


Xifaniso: EWN

Leave a Reply

%d bloggers like this: