Lembe leri ri ya hela ku vava eka Mike Sporo Mangena.
A hi khale nhwanyani un’wani a vule ku u na n’wana wa Mangena, ivi Mangena yi ala. Luya wa nhwana a ku wa hemba whe Sporo, hi ya endla swikambelo swa DNA. Mi yi tivaka DNA, yo fika yi ku mbuyelo wu ri 99.9% n’wana i wa Mangena. Hi loko khale ka mutlangi wa Mamelodi Sundowns na Kaizer Chiefs a pfumela nandzu, a tlhe a tshembisa ku hakela R3000 hi n’wheti ku hlayisa n’wana.
Tolweni kunene (22, Hukuri), Mike Mangena u khomile hi swihehlo swo le purasini ra yena leri nga eRandfontein, ku kumiwe nhundzu na michini yo endla swidzidziharisi. Maphorisa a ma tatelangi marito, ma lo vhe ma tirhosisa eka Sporo, ku nga ri khale u ya ya ehubyeni…
