Lexi i xivuriso xa Xitsonga lexi vulaka ku munhu u na matimba loko a ri eka rikwavo, kambe Amogelang Manganyi wa tiko ra Afrika-Dzonga u hlangane na ndzingo wo a khudlunyiwa, a fayeriwa iPhone8 a tlhe a tshembisiwa ku hlanganisiwa na vafi va yena hi Florindo Nyusi, n’wana Felipe Nyusi murhangeri wa tiko ra Musambiki na va ri exilungwini eJoni.
Amogelang u ringeti ku ya mangala eka SAPS, a tlhe a ya ka Ndzawulo ya Timhaka ta matiko ma le handle, na le ka vuyimeri bya mfumu wa Musambiki, kambe swi tsandzini ku Florindo Nyusi a khomiwa. Eka xiyimo lexi a ka ha tirhi swona swa ku u muaka-tiko, se ku tirha matimba ya mali. Na swa ku Amogelang Manganyi i n’wana xirho xa vandla leri fumaka a swa ha tirhi. Mfumu wa Afrika Dzonga wu nge pfilunganyi xihlovo xa vunakulobye lebyi wu nga na byona na mfumu wa Musambiki hi mhaka huwa ya selfie.
Magoda u boheka ku thiva phaka (ku miyela), i mbuyangwana etikweni ra yena hikuva Tata wa kwe va le ka tax bracket ya le hansi ka Tata wa Florindo. Sweswo i matimba ya mali….
