Breaking News

Vonani Penny Penny yi ringeta ku pfuka hi King Monada #RisePennyRise

Nkovani va le ku tirheni hi vutlhari ku pfuxeta ndhuma ya vona eLimpopo. Tani  leswi hi nga langutela Ta Makhwaya ya 2018 ku pfa eka Penny Penny hi n’wheti ya N’whendzamhala, a swi hlamarisi ku va vona emaphepheni na va ri na n’wa-ndhuma wa le Vulobedu, King Monanda. Malume Penny Penny va rhangi va boxa ku va tirhi na Prince Rhangani, ivi va landzela hi ku kandziyisa xivonwa na muti wa vona na va kha va navetisa risimu rintshwa ku pfa eka vuhumeso bya Gandaganda.

Hi Hukuri (22, 2018) va phepha-hungu ra Daily Sun va viki leswaku Nkulukumba Penny Penny va teki riendzo ku ya letela nsini-kuloni King Monada, ku a papalata magelegele na byala ku tiyisisa ku u na vumundzuku byo vonaka.

“It’s unfortunate that many managers gamble with artists’ careers. I hope Monada’s managers will support and groom him to be the greatest.” – ku vula Penny Penny na a hlamuseta va ka Daily Sun

Penny Penny i Xikwembu xo ti pfuxa, i we ko tala ngopfu nkulukumba loyi kambe hambi na namuntlha wa ha ri relevant eka vunanyuli bya Afrika-Dzonga. Loko ku fa Tsonga Disco, Penny Penny u vuyi hi Ta Makhwaya, ivi loko makhwaya ma fa a pfuka hi General Muzka. Ku te loko General Muzka a wisiwa hi piracy hi vona phondo ra Nkovani eka Clash of the Choirs, ivi hi 2016 Penny Penny va va Mutsonga wo sungula ku va na reality TV show eka Mzansi Magic.

Bra 7 va hava ntangha eka ku rhendzeveta, hi swi bela mavoko, a swi ta saseka loko a va ri na mbilu yo dyondzisa tinsini ta Vatsonga ntokoto wa bindzu ra vunanga.


Xifaniso: Daily Sun

Leave a Reply

%d bloggers like this: