Breaking News

Vulavisisi byintshwa byi ri New Dawn (Cyril Ramaphosa) u kuluka yexe vaaka-tiko va kha va sika

Ku na vulavisisi lebyi nga endliwa hi ntlawa wa ka Adzuna, vulavisisi lebyi byi komba ku hambana ka miholo leyi kumiwaka hi varhangeri va matiko hi ku hambana-hambana ka vona. Va ka Adzuna va lavisise miholo ha varhangeri va matiko mo ringana makume mune ntlhanu. Ndzavisiso lowu wu ringanisa muholo wa murhangeri wa tiko hi ku pimanisa na muholo wa ndzinganelo wa muaka tiko ra murhangareri yaloye.

Murhangeri wa tiko ra Afrika-Dzonga, Nkulukumba Cyril Ramaphosa u khome xiyimo xo sungula eka varhangeri lava holaka ngopfu ku hundza muholo wa ndzinganelo wa vaaka tiko va yena. Muholo wa Nkulukumba Ramaphosa wu hundza muholo wa ndzinganelo hi ka khume-nkaye. Ramaphosa u vuriwa ku va a hola kwalomuya ka R3 400 000 hi lembe, kasi muholo wa ndzinganelo wa muaka tiko wa Afrika-Dzonga wu endla kwalomuya ka R181 000 hi lembe, leswi kombaka kahle ku leha na ku anama ka lwangu leri hambanisaka vapfundzi na vapfumari.

Ndzavisiso lowu, wu endliwe eka matiko mo ringana makume mune ntlhanu, kambe wu paluxe tinhlayo to hlamarisa ngopfu. Hi lowu khume ra varhangeri va matiko lava holaka ngopfu hi ku pimanisa na muholo wa ndzinganelo eka rikwavo;

  1. Cyril Ramaphosa, South Africa: R3 400 000 , u hola ka 19 ku hundza muholk wa ndzinganelo wa le tikweni.
  2. Lee Hsien Loong, Singapore: R22 000 000, u hola ka 17 ku hundza muholo wa ndzinganelo wa le tikweni.
  3. Ram Nath Kovind, India: R1 120 000 u hola ka 11.5 ku hundza muholo wa ndzinganelo wa le tikweni.
  4. Vladimir Putin, Russia: R3 900 000, u hola ka 11 ku hundza muholo wa ndzinganelo wa le tikweni.
  5. Juan Orlando Hernandez, Honduras: R597 000,  u hola ka 9 ku hundza muholo wa ndzinganelo wa le tikweni.
  6. Joko Widodo, Indonesia: R1 350 000, u hola ka 8.2 ku hundza muholo wa ndzinganelo wa le tikweni.
  7. Sebastian Pinera, Chile: R2 650 000, u hola ka 8 ku hundza muholo wa ndzinganelo wa le tikweni.
  8. Hun Sen, Cambodia: R410 000 , u hola ka 7.72 ku hundza muholo wa ndzinganelo wa le tikweni.
  9. Jacinda Ardern, New Zealand: R4 260 000, u hola ka 7.7 ku hundza muholo wa ndzinganelo wa le tikweni.
  10. Kersti Kaljulaid, Estonia: R3 300 000, u hola ka  7.6 ku hundza muholo wa ndzinganelo wa le tikweni.

Hambi swi ri tano, ku na varhangeri va matiko lava va hanyaka hi miholo leyi ringanaka na swiyimo swa le matikweni ma vona. Xi Jinping wa le China u vuriwa ku va a hola R277 000 ntsena hi lembe. Muholo lowu wu hundza muholo wa ndzinganelo wa le China hi kwalomuya ka Khume nkombo xa dzana (17% ).

Nxaxameto hi xitalo wh kumeka eka ntumani lowu Adzuna.com 

Xifaniso: AP

Leave a Reply

%d bloggers like this: