Benny Mayengani u ri hi December 2018 u ya ba ta Muchongolo

DJ Brian Rikhotso u ve na mbhurisano na President Mayengani hi leswi a nga muyimela-ku-langha wa XMA15 eka xiyenge xa Best Xitsonga Male artist of the year, laha va nga bula hi mpfumawulo wuntshwa wa Benny Mayengani.

Ndzhumba wa Nomzamo a ka ha ri wona luwa wo voyamela ngopfu eka Tsonga Disco, pfhuka Nomzamo xi humesa Va ka Baloyi, Swa ni Fanela na Valongolokile se ku twala ngopfu nkucetelo wa xigubu xa tingoma na muchongolo. Mpfumawulo lowu a wu sunguli na Benny Mayengani, i khale wu ri kona, i Traditional Xitsonga xa nxangu ya vo Percy Mfana va ha ba vo Mhani-ntsongo. Pery Mfana na yena a hi mpfumawulo wa yena u wu kuma ka Nhenakati ya vunanga bya Xitsonga, Khatisa Chavalala.

Benny Mayengani u ri a nga langutelangi ku vanhu va nga tsakela mpfumawulo lowu hi ndlela ya matimba, ku nga leswi, hi n’wheti ya N’wendzamhala u ta hi phamela ta “muchongolo” hi tsaka.

Xifaniso: Benny Mayengani / Facebook