Hi n’wheti ya Hukuri (08, 2018), mufambisi wa Munghana Lonene FM, Lawrence Ubisi u ve na mbhurisano na Sydney Baloyi eka nongonoko wa Afrika wa Vulavula ku basisa swivelelo swa XMA15 tani hi ntolovelo. Eka bulu leri va makomba-ndlela va rhambi vayingiseli ku hoxa xandla, hi laha xikala-vito a nga nghena emoyeni a vutisa ku xana swi ta hi yini ku Munghana Lonene FM yi tlangela va tinxaka timbe ku tlula Vatsonga? Xikala-vito u endli xikombiso xa rifu ra HHP, laha a nga ku MLFM a yi tshamela ku tlanga xinavetiso xa ndzuvo ya HHP kambe hungu ra rifu ra Nhenakati ya hina yi nga endla matimu hi ku va n’wasati wo sungula wo chayela movha wa Mutsonga, a ri twalangi eka swiyanimoya swa tinxaka timbe.
Xikala-vito a nga vulangi vito ra Nhenakati leyi, na hina a hi yi tivi hikuva a hi se tshama hi twa xinavetiso xa ndzuvo ya Nhenakati leyi xo fana na xa HHP eka Munghana Lonene FM. Xikala-vito a vutisa leswi hi xikongomelo xo la ku twisisa vukona bya tinsini ta tinxaka timbe eka ntlangu wa masagwadi ya vunanga bya Xitsonga.
Hi lowu nkandziyiso wa nhlamulo ya Lawrence Ubisi;
Lawrence Ubisi u tsandeki ku hlamula xivutiso xa xikala-vito hi ndlela yo komba vurhangeli na vutlhari, hi swona swi nga endla a ze a hi rhukana tani hi rixaka ra Vatsonga. Lawrence Ubisi a nga tilumalumangi eka nhlamulo ya yena, u ri nhlawulo wa vanyanyuli va XMA15 wu pimiwa hi national footprint, leswi swi vulaku ku nsini fanele yi va yi dumi Afrika-dzonga hinkwayo ku fikelela nhlawulo. Lawrence Ubisi u hlamuseti ku xiboho lexi i xo tiyisisa ku the “festival element” ya masagwadi yi “self-sustaining” tani hi bindzu.
Hi ku komisa; Lawrence Ubisi u ri tinsini ta Vatsonga a ti “profitable”, Munghana Lonene FM a yi tshembi ku tinsini ta Vatsonga ti na rinoko ri nga tataku Giyani Stadium. Swi nga leswi, va boheka ku hi rhambela mazulu na masotho ku ya ta hi hlohlotela ku ya tlangela masagwadi ya vunanga bya hina.
Loko kuve khume wa vayimela-ku-langhwa va xiyenge xa Xitsonga Most Popular Song of the Year a va enelangi ku endla XMA15 yi tsakisa yi tlhe yi koka vanhu ku va ta vona, swi vula ku ku le ku phungeliweni, masagwadi ya MLFM i vunwa.
Xana Munghana Lonene FM a yi nyumi ku fumisa tinsini ta tinxaka timbe hi siku ro tlangela tinsini ta Xitsonga?
WHAT A WOW!
Xifaniso: Munghana Lonene / Facebook
