Hi Hukuri (12, 2018) muhaxi wa nongonoko wa Afrika Wa Vulavula, Sydney Baloyi, u gonyise mimoya ya vayingiseri van’wani loko a boxe emoyeni ku vanhu vo fana na va HWE Ntsan’wisi, na varhangeri kumbe vaholobye-nkulu va matiko-xikaya lama a ma endliwe hi mfumu wa Apartheid, a va ringani ku va nga vuriwa valweri va ntshuxeko eAfrika-Dzonga. Leswi swi ta endhzaku ka loko muyingiseli a ta va a ngheni emoyeni a vula Ntsan’wisi nhena.
Swi nga leswi, Sydney Baloyi u khunguvanyekise Vatsonga lavaya va langutaka HWE Ntsan’wisi hi ndlela yo n’u khongela. Ntiyiso hi lowu, Ntsan’wisi a ku ri munhu ku fana na mani na mani, u na swa kahle leswi a nga swi endla a tlhe a va na swihoxo swa yena tani hi munhu.
Hina va TsongaPop hi yima na Sydney Baloyi , HWE Ntsan’wisi a hi mulelwa-ntshuxeko wa Afrika-dzonga kumbe Vatsonga;
-
Ntsan’wisi u rhangele goza ro aka swikolo eka tiko-xikaya, kambe a nga vangi na matimba yo swikolo swi dyondzisa dyondzo ya ntshuxeko, hambi ku ri ku dyondzisa matimu ya ntiyiso ya rixaka ra Vatsonga u tsandzekini.
-
Varhangeri hinkwavo va matiko-xikaya a ku ri swioxa-nyama swa mfumu wa Apartheid, kwalano ku hava ku kanakana.
-
Varhangeri hinkwavo va matiko-xikaya a va rhwexiwe ntirho wo avanyisa vanhu va ka Ntimeni, ivi va wu amukela.
Sydney Baloyi u endle kahle hi ku boxa tshumba leri, tani Xitsonga xi vulaku; “Nkarhi un’wani ntiyiso a wu sasekangi”.
Loading ...
Loading ...Xifaniso: The Citizen
