Va Xitsonga Music Empowerment va xungeta ku kavanyeta masagwadi ma XMA15 hi mhaka Xolani Ndlovu na Vongi Nkanyane

Hi wa vumune wa Hukuri (15, 2018), Brian Makamu, muyimeli wa XME (Xitsonga Music Empowerment), u hehli muhumelerisi wa Phaphama na nhloko ya ndumo (marketing manager) va Munghana Lonene FM hi vukungundywani eka Xitsonga Music Awards ta makume-ntlhanu. XME ve Xolani wa le Acornhoek na Vongi Nkanyane va languteli ku vuyeliwa hi vudzana bya makume-mbirhi-narhu (23%) ku pfa eka tinsini ta house leti va nga ti rhamba ku ta nyanyula xitshungu xa le Giyani eXMA15 hi N’wendzamhala (01, 2018).

Nhloko  ya Munghana Lonene FM, Lawrence Ubisi, u ve a hlamula swihehlo swa XME eka nongonoko wa ‘Tiko a xi etleli’ eka makomba-ndlela, laha a nga tiyisisa ku Vongi Nkanyane na Xolani Ndlovu a va na xandla kumbe matimba yo hlawula vanyanyuli va ntlangu wa XMA15. Hambi swi ri tano, Brian Makamu na nhlangano wa XME va xungeta ku kavanyeta XMA15 endhaku ko va va tsandeki ku fikelela ntwanano na vufambisi bya Munghana Lonene FM. Va XME ve va rhumeli swivilelo swa vona hi email eka vufambisi bya xianimoya xa Xitsonga xa SABC hi vukungundwyani bya vahehliwa. Brian Makamu u tlhe a boxa ku hi msumbuluku wa Hukuri (19, 2018) va XME va ta hundzisela vumbhoni bya vukungundwanyi bya vahehliwa eka varhengeli va SABC na muserheleli wa vaaki (Public Protector).

Lawrence Ubisi u ri va XME va poyila masagwadi ya vunanga bya Xitsonga hi vunwa, hikuva XMA15 yi tiyimiseli ku tlangela tinsini ta Vatsonga hambi leswi va nga rhamba va tinxaka timbe eka ntlangu wo tlangela vunanga bya Xitsonga. Va XME va lwela tinsini leti Munghana Lonene FM a yi tirha na tona eku hlohlotela vanhu ku yingisela xiyanimoya kambe eka masgwadi ya Xitsonga Music Awards tinsini leti a ti fikelelangi ku va xiave xa swinyanyuli.

Lawrence Ubisi u tumbela hi “committee” ya XMA leyi yi nga langutana no hlawula swinyanyuli, kambe ku fika namuntlha Mutshama-xitulu wa masagwadi, Pat. Khalanga Mathebula a nga se tshama a valavula hi tlhelo ra masagwadi pfhuka guwa yi sungula. Ubisi u tlhe a hi tivisa ku Brian Makamu wa XME u muchayeli wa titeksi hambi leswi swi nga ri ku na nkoka, kambe xa nkoka i ku lava va nga hehliwa ku dya mali ya masagwadi ya 2017 ve a va kumiwangi nandu ku ya hi vulavisisi bya SABC.

Hi lowu mbhurisani wa Lawrence Ubisi na muyimeli wa Xitsonga Music Empowerment;

Xana u yima na Lawrence Ubisi ku masgwadi ya Xitsonga ya boheka ku va na va tinxaka timbe ku koka Vatsonga ku va fika eGiyani Stadium? 

• E-e, i vunwa bya rihlaza
• Ina, i ntiyiso
• Xa nkoka i ku kulisa masagwadi

View Results

 Loading ...

Xifaniso: Munghana Lonene / Facebook