Xitsonga xi ri, tingana tikhoma vahlaleri…
Kenny Bevhula na Penny Penny va tiyimiseli ku tichicha xiyimo, hikuva swa tika ku twisisa ku xana i yini xi nga va hlohlotela ku va humesa Asiphelelangi (ku xhota whawha) na Gandaganda.
Eka Asiphelelangi, Kenny Bevhula u ringeta ku dya hi ndhuma ya Vusi Nova ya Asiphelelangi, kambe yhe u endli risimu ra le byaleni. Kenny Bevhula u humesi risimu ro twala nga ku ri chayiwe emukhukhwini ya le Tembisa, eka xiyimo xa yena a swi amukeleki. Kenny Bevhula i nsini yikulu eVutsonga, a tihloniphi a tlhe a xaxima na vayingiseli.
Hi lowu ntumani wo ehluta Asiphelelangi ya Kenny Bevhula na Mfuya40
Nkulu wa munhu, Penny Penny, i le ka pfhumba ro tlunya xiyimo xa yena eka vunanga bya Xitsonga tani hi tin’wani ta tinhena. Nkovani va na malembe va kha va ringeta ku vuya eka vunanga, va ringeti na Jazz swi tsanda, va tlhelela ka disco swi ala, va nghena ka Ndzhumba swi nga yi helo, va ba “I’m Goldie bone” va hunduka xihlekiso, se va vuyi hi ta Makhwaya.
Eka Gandaganda, Penny Penny va tirhi na Prince Rhangani na Mapayitela ku ringeta ku ba swa lembe rero, kambe a swi tshembisi ku va ta swi fikelela hi leswi hi nga swi twa. Loko nsini yo suma risimu hi ndhuma ya yona u swi tiva ku yi heleliwini, Penny Penny u twala a ri hava xo xi vula hi 2018 handle ku hi ti vula “Bosso”. Kambe hi ta rinda ku twa ku xana Papa Penny va ta swi kota ku hi nyika tinjamba ta khale ka Boti Xitsakisi?
Malume Penny Penny na Boti Kenny Bevhula a swi va faneli ku hlongorisana na relevance, a va titovi nyana…
Xifaniso: Facebook
