U famba na mani: Mabermuda (Tita Vuya) kumbe Ziqo (Sentido za Lirandzo) #BoaMarabenta

Mabermuda na Ziqo va humesi swihiso swa marabenta, laha va nga katsakanya marabenta na mimpfumawulo ya Passada, Reggae, Traditional Xitsonga, Tsonga Electro, na Mindzhumba.

Eka Tita Vuya, Mabermuda na Bowito Music va hi komba kungu ra vona ro nghenisa mpfumawulo wuntshwa eMusambiki na le Afrika-Dzonga. Mabermuda na Bowito Music va endli swa khale ka Dr. Thomas Chauke na tinsini tin’wani ta 1970s na 1980s, laha a va chaya vunanga byo pfumala mindzilikano, a va chaya nkatsakanyo swi nga ri na mhaka ku a hi mpfumawulo wa ka rikwavo. Bowito Music yi lava xiave eka South African market leswi a hi xihundla, Bow u hlasela hi Gospel ivi Mabermuda a nghena hi Electro-Marabenta.

Mabermuda u ri ‘Tita Vuya’ yi ta dhuma ku suka eMoz ku fika eGY, u tlhe a tlangela tinsini ta tiko ra Mandela tani hi Dr. Thomas Chuake, Benny Mayengani, Joe Shirimani, General Muzka na van’wani.

Hi lowu ntumani wo ehluta (download link) TITA VUYA YA MABERMUDA

Eka Sentido za Lirandzo, Ziqo u hi tsunduxa ku na ye i Hosi ya Marabenta. Tani hi ntolovelo, Ziqo u hlanganisi passada na reggae ehenhla ka timbita ta marabenta. Sentido za Lirandzo i risimu ri tihlamusetaku, hambi u ri yingisela u ri rhanga hi ku ri twa ro sungula. Ziqo u tsheketa ta n’wasati a nga khoma mbilu ya yena, u fambi matiko a hlangana na vona kambe i wun’we a nga na sentido za lirandzo.

Handle ko lehisa, titweli hi wexe ku saseka ka vuhumeso bya Ziqo;

Hi lowu ntumani wo ehluta SENTIDO ZA LIRANDZO YA ZIQO