Ximbvurembvure xa Joe Shirimani xi ze xi huma, kambe hit dololo!

Hi N’wendzamhala (13, 2018) Joe Shirimani u humesi nkandziyiso wa yena wa vunanga lowu wu nga thyiwa Ximbvurembvure. Eka vuhumeso lebyi ku na tinsimu ta nhungu tintshwa, re-edit yin’we, na ti-remix timbirhi.

Joe Shirimani I na ntokoto na nyiko eku tiseni marito mantshwa eka vunanga bya Xitsonga eAfrika-Dzonga, loko hi languta malembe ndhaku hi tsunduka marito mo fana na Ngura-ngura, Tunduru-tunduru, Bengu-bengu na man’wani.

Ximbvurembvure I mphakelo wa mimpfumawulo yo hambana leyi yi nga katsiwa na mindzhumba, hi twe Marabenta, Tsonga Disco, na swigingi swa Muchongolo. Kambe njamba ku hava eka Ximbvurembvure, I album yo rivaleka, Joe Shirimani a humesela nawu. Ximbvurembvure I album yo fanela ku huma hi xixika, yi lava nkarhi ku yi yingisela, loko I nyanyuliwa hi N’wendzamhala swa endleka I hupa tinsimu to hlawuleka tani hi Ndhuma nyana na Xigangu.

Handle ko lehisa hi lowu nxanxameto wa Ximbvurembvure ya Joe Shirimani;

1. Zalina

2. Ta Mporoma

3. Thelerinah

4. Xigangu

5. Pitori

6. Tsutsumani

7. Ndhuma nyana

8. Papila (re-edit)

9. Ta Mporoma (remix)

10. Zalina (remix)

Ximbvurembvure yi humelerisiwi hi Joe Shirimani na Steven Makhongela wa Limpopo Dream Team.

Xifaniso: Joe Shirimani / Facebook