Hi ya leyo Kaya FM yi phaka Philemon Masinga eka rixaka ra mazulu #LeswoTitumbeta

Hi te ha ha yingiseli Home of the Afropolitan hi loko hi twa ndzuvu wa Philemon Masinga wo saseka, kambe swilo swi fike swi onheka loko va phata mufi va n’wu vula Mangethe.

Kambe hina a hi va soli va Kaya FM, mufi u tshiki vanhu va hleketa ku I Muzulu kuve I Muhlengwe, ku Philemon Masinga a kuri Mutsonga a kuri mhaka yo mbambela. Ehenhleni ka sweswo, loko hi talava xivongo xa ka Masinga eka Google, ku huma swivongo swa tinyimba ta Vangoni. Swa olova ku genge yi tshembha ku Masinga I Mungoni hikuva ku hava nchumu xo hlamuseta vukona bya Masinga wa Mutsonga. Va Kaya FM a va nga ta rhukana mufi loko a swi ri rivaleni ku ye I Mutsonga, vanhu va ka Masinga (Masinge, Masingi), ku nga va ka Sono / Hlungwana, va fanele va teka vutihlamuleri byo paluxa swivongo swa tinyimba ta vona eka Google.

“Masingi/Masinge/Masinga wa Khupu, wa Sindzeti, wa N’waphopha tixakwari ku sala livurha I khubunyeti wa misava wa Malaxe.” 

Leswo swo titumbeta swi famba swi karhata maxaka, van’wani va hina masirha ma vona ma tsaliwi na swivongo swa Xizulu kuve I Vatsonga. Joni ya vavo!