Breaking News

5 Tsonga Youtubers worth your data | They’ve generated over 10 million+ views

Vumundzuku bya vuhlangisi byi ya fumiwa hi xiyenge xa swivonwa hikuva vanhu va ya va kha va nyanya ku loloha ku hlaya no tsala hi ririmi ro hlantsweka. Ku nga leswi, ririmi ra Xitsonga ra hanya eka Youtube hi mhaka vanhu lava landzelaka;

#1 – DJ BRIAN RIKHOTSO | 8.8m views

DJ Brian Rikhotso hi ye nkulu wa Youtubers ta Vatsonga. DJ Brian Channel yi paluxa swivonwa swa migingiriko ya DJ Brian na a ri ku haxeni eka Munghana Lonene FM na migingiriko ya bindzu ra yena ra vukandziyisi. DJ Brian Channel yi hava ntangha, minkandziyiso ya Barule i ya xiyimo xa le henhla, lavan’wani va tipima hi yona. 


#2 – MAFOSI CHAUKE | 4.8m views

Mafosi Chauke i khale na a ri kona eka Youtube, hambi DJ Brian u n’wu kuma a ri exitikini. Mafosi u paluxa nkatsakanyo wa swivonwa, i munhu loyi u nga n’wu tshembaku hi ta genge ya le switandini, mintlangu ya le kaya, minkosi ya va n’wa-ndhuma na swin’wani swo tala. Eka Mafosi Chauke ku hava xivundza i na minkandziyiso ya mani na mani hi xitalo. 


#3 – MANDLA GINGIRIKANI I 519k views

Ve vito ra landelela, Mandla Gingirikani i munhu wo chivirika, ku hava laha a nga ri ku kona. Mandla Gingirikani wa phusha ku vula ka genge ya le Midrand. Nkanelo wa Gingirikani u paluxa ngopfu mimbhurisano na tinsini na Vatsonga va ndhuma. Gingirikani i munhu yo tshama yi ri ku hlekeni, hambi yi xewetiwa yi rhanga hi ku hleka, hi sola yi na vuvabyi lebyiya byi nga khoma Pat Khalanga na DJ Brian. Mandla Gingirikani swa fanela ku a kuma sagwadi ra 2018 Xitsonga Youtuber of the year, hikuva u khomi swi tiya muyisa Nkanelo wa Gingirikani. A swi ta saseka no tsakisa loko Munghana Lonene FM a va tlangela vahleri na vanhu vo fana na vo Mandla Gingirikani eka XMA. Vo Gingirikani hi vo vanhu va fikelelisaku no dumisa vunanga bya Xitsonga hi ku hambana-hamabana ku tlula xitichi. #NiMiyelini


# 4 – NTWANANO WA KA MARAJI | 194k views

Ntwanano Maraji i savheji ra Motivational Speaker ya muzalwane, i tirhisa bibele na vusavheji hi ndlela yo tlhariha ku a dyondzisa vanhu ku va nga wi moya evuton’wini. Minkandziyiso ya Ngoveni yi dumi ngopfu eka Facebook, Whatsapp, na le ka Tsonga Twittehi yona. Valavulelo ra Mlambya ri koka rinoko, hi swo swi nga endla va fikelela no va na swi navetiso eka swivonwa swa vona. Ntwanano waka Maraji hi ye a ri yexe ku hava wo fana na yena, i na vuswikoti byo vunga vahedeni na vazalwane ndzhawu yin’we, kambe i kotiwa ngopfu hi genge yo ka yi nga khuvuriwangi. Hi langutela ku n’wu vona a endla stand-up comedy.


#5 – KINGS ANIMATION STUDIOS | 704k views

Va Kings Animataion Studios va paluxa ntsheketo wa ximunhuhatwa va nge i Elias Mabasa, ku nga ntsheketo wa mafenya ya Xitsonga, lowu hi nga wu fananisaku na South Park ya swi khalabyani swa ka Malamulele minus nhlambha. Loko u lava ku hleka eka Youtube u nga heti nkarhi, Kings Animation Studios i kaya ra wena. 

One thought on “5 Tsonga Youtubers worth your data | They’ve generated over 10 million+ views”

  1. Kuna Rhulani Nkuna na Teleti Khosa hi van’wana na vona va hoxaku xandla eka ririmi ra hina Vatsonga,nghena aka Facebook uta va kuma Rhulani uti vitana malume Rhuli

Leave a Reply

%d bloggers like this: