Nkwetlembetano wa Thembani Gift Chabane na Prenomen Chabane, lowu hi hala tlhelo wu nga nkwetlembetano wa GCRFM na va xikanekiso xa Giyani, onge wu ta pfula lembe ra 2019 ku karhi ku chachameriwa.
Ku na ku hoxana hi marito na swihehlo ku pfa eka malandza ya Hosi Mhinga. Chabane un’wani u hehla un’wani, ivi Chabane un’wani khomiwa a tlhe a hunesiwa hi va nawu.
Sweswi ku na hungu-ndlela leri vulaka ku va ICASA se va bava va khalakhatsa bya nkaka wa le managa, va lava ku vona mikhwepe (spreadsheet) leyi kombaka tinhlayo hinkwato ta timali. Hungu ri vula ku, vatshami va hubyana leyi lawulaka GCRFM, hambi lava se va tshikeke hubyana leyi, va nga ha vitaniwa hi va nawu, ku va ta hlamula.
Ivi mhaka yi tlhe yi dzunga hi mhaka ku muavanyisi loyi ingi a fanele ku ahlula no avanyisa mhaka leyi, i tatana wa muyimeri wa Pre Chabane. Phe yi nge he tengeki swona leyi mhaka, hala tlhelo Gift Chabane u vuriwa ku va a ri ku tumbeleni kwalomu mikhukhwini hi ku va a chavela vutomi byakwe.
