Hoyohoyo, Giyani Community Radio Station I matsune wa swiyanimoya swa vaaki eLimpopo hinkwayo ku ya hi tinhlayo ta va Broadcasting Research Council of South Africa ta Dzivamsoko 2018 ku fika hi Ndzhati 2018. Tinhlayo ta va BRCSA ta le Limpopo ti komba ku GCR FM yi ve na ntlakuko wa vuyingseli hi 4000 wa vanhu ku ta yi veka eka xiyimo xo sungula hi vayingiseli va 74 000 vhiki na vhiki.
Eka swiyanimoya swin’wani swa vaaki swo haxa hi ririmi ra Xitsonga, Top 10 yi fikeleliwi hi Mala FM na Hlanganani FM. Mala FM yi le ka xiyimo xa vunarhu hi vayingiseli va 38 000, ivi Hlanganani FM yi va eka xiyimo xa vukhume hi 16 000 wa vayingiseli.
Eka vufambisi, vahaxi na vatirhi va le ka switichi swa vaaki swo haxa hi Xitsonga, hi ri khomisani sweswo mi kula mi tikisela Munghana Lonene FM. Avuxeni!
Xifaniso: GCR FM / Facebook
