DJ Brian Rikhotso u ta tshamela ku va un’wani wa vahaxi vo hlawuleka eka Munghana Lonene FM hi mhaka migingiriko ya yena eku tlangeleni tinsini ni tinhena ta Vatsonga emoyeni. DJ Brian i hava ntangha loko ku ta eku hlanganiseni mimbhurisano ni tinsini ta Xitsonga ni ta vambe, tani hi vo Kanda Bongo Man, H.W Makhubele, Dr. Thomas Chauke na van’wani…. Hi wa vunarhu (10) wa n’wheti ya Nhlangula 2018 DJ Brian Rikhotso u ve na mbhurisano na matsune wa maskandi ya Xitsonga, M.G Ntlemo, laha va nga bula hi leti landzelaka;
-
Ku fika namuntlha M.G Ntlemo va oma no boxa ku xivongo xa vanhu lava yimbelelaku hi vona eka risimu ra vona ra Xitlen’wani i xa ka mani. Nkulukumba Ntlemo ve hambi Dr. Thomas Chauke va na ku navela ku tiva ku i vo mani va xivongo xo duma.
-
M.G Ntlemo va tivise DJ Brian Rikhotso ku khaleni ka masiku a va lavi ku khomana na Penny Penny hi mavoko etikweni ra le Vaal, laha Joe Shirimani a nga boheka ku lamula nyimpi.
-
M.G Ntlemo ve vona va dyoha loko va yimbelela, kambe mpfumawulo wa maskandi u va pfumelela ku yimbelela handle ko dyoha. In this case ku rilela vuzulu no dyoha swi lo kotlana, what a convenience #noshade
-
DJ Brian va paluxi ku xivala xa swizulwani xa le Soshanguve lexi Ntlemo a yimbelela hi xona eka risimu ra Ndzi Rhurhile Hostele, se va aki mall vinyi va mali.
-
M.G Ntlemo va hi tivisi bya vuxaka bya vona na M.P Special Chauke loyi va nge i Hosi ya vona.
-
Exikarhi ka mbhurisano, M.G Ntlemo va ve va taleliwa loko ku DJ Brian Rikhotso a va vutisa hi timitsu ta risimu ra Ndzi Dyiwe Xivongo. Ntlemo a va ri kusuhi no rila hi mhaka risimu leri, va ve va kombela ku ka va nga hlamuli xivutiso.
-
Hi ve hi dyondza ta ku hanyisana ka M.G Ntlemo na DJ Brian Rikhotso, Barule hi vo va nga pfuna hi swa timali eku kandziyiseni yin’wani ya ti DVD ta Ntlemo. Tatana Ntlemo a va nyumangi no boxa ku jaha ra le Khoseni ri va hanyisini ri va chelela na petrol ku va ta fika eka shoot.
Xifaniso: Facebook
A swi xongile