Hi msumbuluku wa vhiki ra makumu ra n’wheti ya Nhlangula, Vongi Nkanyane, loyi ku nga nhloko ya ndumo (marketing manager) ya Munghana Lonene FM, u tivisi ka nongonoko wa Dzumba na Mina leswaku Xitsonga Music Awards ta vukhume-ntlhanu ti nge he endleki hi Hukuri (24, 2018). Vufambisi bya makomba-ndlela byi teki xiboho xo hundzisela ntlangu wa masagwadi eka n’wheti ya N’wendzamhala (01, 2018) eGiyani Stadium.
Vongi Nkanyane u ve a amukela leswaku va boheki ku endla “feasibility study” hi xikongomelo xo twisisa nhlayo ya le hansi ya nxavo ya vungheno (ticket sales) ya XMA15, hi laha va nga kuma leswaku siku ra ti 24 ta Hukuri a ri tshamisekangi ka vanhu vo tala hikuva va ta va va nga se hola, hala tlhelo genge yi le ku tsaleni swikambelo. Munghana Lonene FM yi pfuli tindleve yi olovisela vaseketeli va yona vutomi yi rhurhela ntlangu wa XMA15 to Deezy-tyd (December), ivi gala dinner yi ta va hi Hukuri (30, 2018).
I ro sungula eka hina ku vona Munghana Lonene FM yi yingisela vaseketeli va yona, hi tshemba a hi swa kan’we.
