Philemon Chippa Masinga, xirhandzwa xa tiko, nyeleti ya tlangu wa bolo ya milenge u hundze emisaveni. Chippa u dume nkarhi un’we na makwavo wa yena Bennet Masinga. Masinga a ku ri mutlangi wa le mahlweni loyi a nga tsona van’watipala vo tala vurhongo. A ku ri muhowisi wa matimba, ngopfu hi nhloko.
Masinga u tlangele swipani swo fana na Jomo Cosmos, Mamelodi Sundowns, Leeds United le England na Bari le Italy. A ku ri xirhandzwa xa mudzaberi wa Bafana Bafana, yena Clive Barker. Masinga u ve xirho xa nkoka eka xipani xa Bafana Bafana lexi nga va vahluri eka AFCON hi 1996, a tlhe a va nhenha-nkulu eka mintlangu yo nghenelela eka World Cup 1998 loko a howise eka ntlangu wa Bafana Bafana vs Congo.
Wisa hi ku rhula Masinga
Singa ra le Hlengweni
Muxungeta henhla
Xifaniso: joburgpost.co.za
