Vunanga bya Xitsonga a byi na mbilu, lavo tiya hi ndhuma ya 30 seconds na njamba yin’we, va wa va tlhe va rivaliwa. Eka malembe ma ntlhanu lama ma nga hundza, vunanga bya Xitsonga a byi tele hi tinsini to tikomba vutomi, ngopfu-ngopfu eka xiyenga xa Mindzhumba, kambe ku tinsini leti ti heleli kwihi a swi tiveki.
U kwihi:
SAYICOLOGY – dyi bongi swi twala hi vuhumeso bya madyondza, ivi vuhumeso bya vumbirhi byi tiyisisa vukona bya dyona eka Mindzhumba. Kambe ku holova ka Joe Shirimani, Benny Mayengani na Prince Rhangani swi siyi Sayicology a ahlamini, eka Team Shirimani u hundziki muhlaveleri, ivi a tshamela ro hupa loko a humesa. The New Age Penny Penny u wi hi lo n’wu nhwii!
JOSSIE – u hlomuki hi vuhumeso bya Vavanuna va Joni a ba hi ganama, va ka SATMA11 va ku hi leri sagwadi, va MLFM va ku hi leyi airplay, kambe namuntlha Jossie a nga ha ri kona eka vuyimbeleri. Jossie a ri na masungulo ya kahle, ye na Mabevani va hi nyiki classic, kambe swi tsandzini ku yi tlhandlama.
HANGALASA – loyi a ta kahle, hambi Benny Mayengani a chuhini hikuva Hangalasa u koti ku tikisela xiyenga xa Mindzhumba a ri yexe. Kambe ku lo na fika Steven Makhongela evuton’wini bya Hangalasa ivi matimba ma yena ma xaxa. Swa Hangalasa swi hlomula mbilu.
LIMPOPO ROOTS – vayisa lava va bayizi ngopfu, Benny Mayengani u va nyiki njamba leyi yi nga ba malembe ma mbirhi handle ko wisa, kambe va tsandeki ku tirhisa ndhuma leyi ku titlakusa. Limpopo Roots yi ve yi yengiywa hi MLFM loko yi endliwa vayimelwa-ku-langhwa eka XMA14, kambe va kwihi namuntlha? Hi vo a va fanele va rhangeli xiyenge xa Tsonga House enkarhini lowu kambe…
NKHENSI – yellow bone leri ra hafu ri wi ri nga se fika na le kule. Khensi u hlomuki ka vuyimbeleri a ri ehansi ka ndhuti wa Benny Mayengani na Prince Rhangani, kambe ku holova ka vona ku n’wu bohi ku hlawula tlhelo rin’we, ivi nhwana a landzula BMQ a famba na Rhangani Music. The rest is history….
NURSE MATLALA NA MAPELE – lava va fiki va ninginisa Vutsonga hi risimu ra KFC, kambe va tsandekini ku hi nyika njamba yo ba ku hundza KFC. Mapele u lwelini a cinca-cinca mintlwana a nghena a huma eka Black Poison, a jika a tsutsumela ka Team Shirimani, a twala Mozambique, a vuya a ringeta ku pfuka hi Sho Madjozi kambe swi tsandza swi ri tano. Nurse yena a na ha vuli, pfhuka hi n’wu twa eka326 Thwii loko a humesa international album ya yena, kambe a ku humangi na njamba na yin’we.
