Khombo ra masagwadi: MLFM na GCRFM – hi fela yini?

Munghana Lonene na Giyani Community Radio va tiyimiseli ku chipisa vunanga bya Xitsonga hi masagwadi ma vona.

Masagwadi ma Xitsonga Music Awards ya MLFM na Xitsonga Cultural Music Awards ya GCR ma na huwa ku tlula nkulungo. Masagwadi ma XMA na XCMA ma hava ndhuti, ku kuma xihiwa xa XMA na XCMA swi hava ntikelo ku fana na loko u kumi xihiwa xa ka Metro FM. Vutomi bya tinsini ta hina a byi cinci loko va tlhomiwa tinsiva hi MLFM kumbe GCRFM, hambi booking fee yinene a yi tlakuki.

A hi languteli GCRFM ku yi komba va makomba-ndlela ku masagwadi ma fambisiwa njhani, kambe va endli swa Munghana. I masagwadi ma njhani laha vayimelwa-ku-langhwa va hlawuliwaku hi vahaxi va xitichi? Award committee ya MLFM I vatirhi va kwalaya, I vo Xolani na vo Pat. Nhlawulo wa GCRFM wu endliwi hi sms. Hungu ra masagwadi ri fikini eka vayingiseli kambe a ri fikangi eka Vatsonga hinkwavo.

Hina hi tiva award committees ti hlanganisa tinkwema (experts) ku endla nhlawulo wa vanhu lava ntokotaku eka xiyenge xexo.

Khombo ra masagwadi I rikulu, va Munghana Lonene FM va tlhe va va na xivindi xo fundzha tinhena na tinhenakati ta vunanga bya Xitsonga kambe a va va tlangi emoyeni, hambi nongonoko wo hlawuleka va wu tsandeka ku hi twa ku I vo mani vakhalabya na vakhegulu lava xiximiwaku. N’whe Vatsonga, XMA na XCMA I masagwadi ma hava.

I heteleli rini ku twa tinsimu ta tiphuphula-nkulu leti eka Munghana Lonene FM?

• Antonio Marcus
• Esther M
• Matshwa Bemuda
• Patson Chauke

View Results

 Loading ...

Xana whe i vona masagwadi ma MLFM na GCRFM ma tlangela vunanga bya Xitsonga hi ndlela yinene kumbe hi wo ma dlayaku ndzhuti wa vunanga bya Xitsonga?