Ntukulu wa Vatsonga u ngetini nakambe ku vangamisa Vutsonga ematikweni ya vambe, va Elle Magazine ya Afrika-Dzonga va ta tlangela Sho Madjozi hi n’wheti ya Hukuri eka vuhumeso bya vona. Va Elle Mag SA va na nkateko ku va Sho Madjozi a va lombi xikanda xa yena xo saseka ku va kota ku xavisa xihlayo (magazine) xa vona. I ntolovelo eka swihlayo (publications) swo hombana eAfrika-Dzonga eku tirhisa Sho Madjozi tani hi nyeleti ya vuhumeso bya vona, Sho Madjozi i koka rinoko a tlhe a nyanyula ku hlaya hi yena.
Pfhuka Sho Madjozi a vuya eTanzania, Vutsonga se bya vonaka byi tlhe byi twala eka mainstream media, tshukeleni wa hina a hi mburhi ya hava – Sho Madjozi is making Xitsonga fashionable. Hina hi ri Bomba Mutsonga va matiko va ku navela.
Xifaniso: Elle South Africa / Instagram
