Hi N’wendzmhala (13, 2018), Mandla Gingirikani u paluxi mbhurisano wa yena na Hosikati ya vunanga bya Xitsonga, Mhani Flo, eka vuhlanganisi bya YouTube. Hi lowu nxanxameto wa swilo swa khume hi nga swi dyondza eka mbhurisano wa vona;
-
Mhani Flo va velekiwi eka Xikundu emugangeni wa ka Xifashani, I n’wana Piet Ben Ngwenya va ka Maluleke na Mhani Muhlava N’waMadembani. Mhani Flo I Mun’wanati, khale ka vona va ha ri exikolweni a va tiviwa hi vito ra Florence Ngwenya kumbe Flora Ngwenya.
-
Mhani Flo va ngheni eka vuyimbeleri hi lembe ra 1984 loko va ta va xiave xa Thomas Chauke na Shinyori Sisters. Rito ra vona ri twali ro sungula eka Shimatsatsa no. 4 – Xinyeletana, ivi ka vuhumeso bya Xiganga (Shimatsatsa no. 34) ku va kuri makumu ya vona eku tirheni na Dr. Thomas Chauke na Shinyori Sisters.
-
Mhani Flo ve a va ri no navela ku yisa tidyondzo ta vona emahlweni leswi a kuri mudyondzi wo tlhariha ngopfu, kambe va heleli eka Standard 5 hi mhaka mali.
-
Mhani Flo va hlamuseta ku va kule swin’we na Ester M, a kuri va akelana (vo makhelwani).
-
Mhani Flo va hlamuseta ku vito ra “Mhani Flo” ri pfa eka nhlangano wa vona na va EMI. Eku heteni ka ku kandziyisa Xibombi no.1, ku ve ku vutisaniwa ku stage name xa lead ya Shinyori Sisters ku ta va mani, hi loko dyin’wani dyi jamuka dyi ku “Mafloza / Mafloja”, kambe Hulukati va ala hiku swivitwani leswi swi ta va delelisa hi genge, hi loko va tithya va ku hi vo Mhani Flo.
-
Eka ntlawa wa Thomas Chauke na Shinyori Sisters, Mhani Flo a kuri “Lead Vocalist, Composer na Producer”, va kha va khomisana na Dr. Thomas Chauke. Mhani Flo va hlamuseta ku va kota ku chaya katara na keyboard. Vuhumeso bya vona bya madyondza bya 2010, ku nga Xibombi no.1, byi sumiwi hi vona ivi ku chaya Dokodela.
-
Mhani Flo ve a va rhandza ngopfu vunanga bya Soul Brothers loko va ha kula, hi byo byi nga va hlohlotela ku nghena eka vuyimbeleri. Khale ka nuna wa Mhani Flo, hi vula Hasani, na vo va rhandza Soul Brothers. Swa endleka Mhani Flo na Dokodela va gangisani hi Soul Brothers…
-
Mhani Flo ve loko va nga endli vuyimbeleri va rhunga minceka, mateki na swin’wani, ve ku nga ri khale va ta humesa mpahla ya vona ehansi ka bindzu ra vona.
-
Mhani Flo ve genge a yi lavi ku humesa mali, ku nga leswi swi nyamisaku vanhu vo tala ku humesa. Mhani Flo ve mali ya le henhla va nga tshama va yi endla hi xirhambo xin’we I R50 000.
-
Mhani Flo ve vhumueso bya vona bya 2018, Xibombi no.3 – Hunguta ku vilela, va byi endli hi masiku manarhu na va tirha na jaha ri vitaniwaku Tsuvuka. Swi nga leswi, vuhumeso lebyi se byi xavisi +50 000 copies.
